මගේ ඩොලර් 10 යේ මොටෙල් කැලිෆෝර්නියා කාමරය

හවස 5:30 ට මොන්ගෝලියාවේ බලගන් නුවර පුංචි අවන්හලක් තුල සිට ලියමි ...

මගේ කාමරය 

“Hotel” , “Motel”  ගොඩක් අයට ප්‍රශ්නයක්‌ තියෙන වචන දෙකක්. ඇත්තටම හෝටලයක් කියන්නේ නවාතැන් පහසුකම් ගොඩක් සපයල තියෙන තැනක් , එත් මොටෙලයක් කියන්නෙ තනි කාමරයකට ; ගොඩක් වෙලාවට ඇටෑච් බාත්රූම් එකකුත් තියෙනව.

හොටෙල් කරිෆොර්නියා කියන්නේ ඇමරිකාවේ සුපිරි හෝටලයක්. එත් මගේ පුංචි කාමරය තියෙන මොටෙල් කැලිෆෝර්නියා තියෙන්නේ හංගේරියාවේ බුඩාපෙස්ට් කියන නගරෙ පුංචි වීදියක. මොටෙල් කැලිෆෝර්නියා කියන්නේ ඇත්තටම පරණ තාලේ ගෙයක්. කාමර 5යි , කාමර වලටම සම්බන්ධ කරපු නාන කාමර 5යි , පොදු සාලයක් වගේම පොදු කුස්සියක් තියෙන තැනක්. කුලිය මාසෙකට ඩොලර් 10යි.(රුපියල්1000යි !!)

එහෙ මගෙත් එක්ක මරු කට්ටියක් ජිවත් වුනා.පැපුවා නිව්ගිනියා වල තතී, ජර්මනියේ එබර්හාඩ් කෙක් යුවල , ඔස්ට්‍රියාවේ ගලියනා තබනෙවා එක්ක රුසියාවෙ ජුලියා අනන්ජිවා.

තතී ඇත්තටම පිස්සෙක් , මිනිහගෙ  මරු නැටිලි ටිකක් තියෙනවා. වැඩකරන්නේ නගර සභාවේ. ගලියාන ටිකක් සෙක්සි කෙනෙක්. හැබැයි එයට ඉතින් කොල්ලෙක් එහෙම කාරිය ඉන්නව. වැඩකරන්නේ එරික්සන් ටෙලි කොමියුනිකේශන් කියන සමාගමේ. එබර්හාඩ් කෙක් කියන්නෙ ජර්මානු ගිනි නිවන හමුදාවේ හිටපු ප්‍රධානිය. එයා නෝනත් එක්ක දැන් අවුරුදු දෙකක ඉඳන් “කැලිෆෝර්නියා මොටෙලයෙ” ජිවත් වෙනව.  ජුලියා අනන්ජිවා , නවාතැනේ බාලම කෙනා . එයා ලස්සන කෙල්ලෙක්. වැඩකරන්නෙ පොත් කඩේක.

උදේට සාමාන්‍යයෙන් නවාතැනේ ඉතුරු වෙන්නේ මමයි කෙක් යුවලයි විතරයි. අනිත් හැමෝම උදේ වෙලාවක හමු වෙන්නේ සෙනසුරාදා නැත්තන්  ඉරිද. නවාතැනේ මුල් කාලේදී මම ගියේ පොඩි දුරකට ඇවිදින්න විතරයි.  එත් ගියේ නවාතැනේ අයත් එක්ක. පස්සෙ මට හිතුන දුර ඇවිදින්න යන්න. ඉතින් මම ගොඩක් හිත් වේදනාවෙන්  වුනත් මගේ නවාතැනේ අයගෙන් සමුගත්ත.

කෙක් යුවල (වමේ ඉඳල දෙවෙනියට ) , අනිත් කට්ටිය එයාලගෙ ළමයි
මේක ගත්තේ අපි රුසියාවේ බයිකල් විලට ගිය ගමනෙදි  , වටේම තියෙන්නේ මිදුණු බයිකාල් විල (උෂ්ණත්වය ( -50 c) විතර) ස්තුතිය එබර්හාඩ් කෙක් ට Спасибо за Эберхард Кек)

මේ ගලියානා, කන්දක් නගින  ගමන් 

ජුලියා අනන්ජිවා , වමේ එයාගේ පෙම්වතා , දකුණේ පෙම්වතාගේ යාලුවෙක් 

මේ තති , කාඩ්බෝඩ් කුඩාරමක් ඇතුලෙ

අපේ නවාතැනේ කට්ටිය හම්බවෙන වෙලාව තමයි උයන වෙලාව. තතී උයන්න ගොඩක් දක්ෂ කෙනෙක්. කෙක් මැතිනියයි , තතී යි හැමවෙලාවේම උයන ඒවට වාද කරගන්නව. තතීට ඕනේ එක දෙයක්. මැතිනිට ඕනේ එක දෙයක්. එත් ඉතින් කොහොම හරි වගකියන්නේ අපි !!

තතී හදන්න දක්ෂම කෑම තමයි “කිවී චීස් කේක්” . ඒක නවසීලන්ත වට්ටෝරුවක්. ඇත්තටම පුදුම රහක් තියෙන්නෙ. ඉරිදට අපේ හවස තේ එකත් එක්ක කිවී චීස් කේක් අනිවාර්ය අංගයක්. නවාතැනේ තේ හදන්නේ මම. එයාලගේ ප්‍රියතම බීමක් තමයි අපේ රටේ තේ . කෙක් මහත්තය කියන විදිහට “ශීතල දේශගුනෙත් එක්ක හැප්පෙන්න පුළුවන්  හොඳම ආයුධේ  ලංකාවේ තේ”. එත් ගලියානට නම් එක විහිළුවක්. එයට තියෙන හොඳම ආයුධේ සිගරට් එක !. ඇත්තටම මට වෙලාවකට හිතෙනව “මේ ගෑණු  කොහොම ජිවත්  වෙනවද කියල.”! ඔන්න කොල්ලෙක් සිගරට් එකක් ඉරුවට කමක් නෑ කියමුකො, එත් සුකොමාල කෙල්ලෙක් පැත්තකට වෙලා සිගරට්  උරනකොට නිකන් පොලව පලාගෙන යන්න වගේ හැඟීමක් එනව.

මම නවාතැන්  ගත්ත තැන “කෙල්ලො” කිපදෙනාගෙන් වැඩියම කැමති ජූලියට. මොකද එයත් ගොඩක් නිදහසට කැමති කෙනෙක්. ඇත්තටම මම මුල් කාලෙ “බැල්මක්” දාන්න උත්සාහ කාලේ නැත්තෙ මත් නෑ. එත් දවසක් කෙක් මහත්මිය කියපු විදිහට “අපි වලක් කපන්න හැදුවොත් එතන ගෙම්බෙක් ඉන්නව”.

තතී ගේ නැටුම් වලින් අපි වැඩිපුරම කැමති මිනිහගේ “හකා” නැටුමට. උයන වෙලාවට එකපාරටම මැතිනිය ඉස්සරහට වෙලා “බුලත” කියන නැටුම නටන එක එයාගේ පුරුද්දක්. තතී කියපු විදිහට නිව්ගිනියානු සම්ප්‍රදායෙ මුලික අරමුණ තමන්ගේ දේහ ශක්තිය පෙන්විම. එක තමයි පසුකාලීනව නැටුමක් විදිහට විකසනය වෙලා තියෙන්නෙ.

දැන් නවාතැනේ ඉතුරු තුන්දෙනයි . තතී එයාගේ ගමට ටික කාලෙකට ගිහින් , ජුලිය එයාගේ පෙම්වතාත් එක්ක විවාහ වුනා L , ඇය මට විවාහෙට ආරාධනා කළා, කොච්චර බැරි වුනත් මම ගියා.

තතී සමුගන්න වෙලාවේ මට දුන්න එයාගේ ඔරලෝසුව. මම එයාට පාදුක්ක පුස්ඇල්ලාව වත්තෙ තේ අලවිහලෙන් ගත්තු 2kg තේ පැකට් දෙකක් දුන්න.

කෙක් යුවල , ගලියාන තබනෙවා එක්ක දැන් කුස්සියෙ තනිවෙලා ඇති , තතී නැතුව කෙක් මහත්මියට පාලු ඇති.

ජුලියත් සතුටින් ඇති .

මට මේ වුන දේවල් වලින් වෙන්වීමේ දුක ගැන හොඳ අවබෝධයක් ආව.මොකද  ඒක අපිට ගොඩක් වෙලාවට ප්‍රයෝගිකව දැනෙන්න ඕනෙ දුකක් කියන එක තේරෙන්න.

පසු සටහන : මට නියම සින්හල යුනිකෝඩ් ඇප් එකක් දුන්නු ,ඒකෙ නිර්මාතෘ වත්මල් සහෝදරයට වගේම සිංග්ලිෂ් වලට අදාළ සුපිරිගනයේ කීබෝර්ඩ් ලේඅවුට් එක නිර්මාණය කල යු.සී.එස්.සී භාෂා අධ්‍යන අංශයට මගේ ස්තුතිය. 

චායාරුප ගූගල් වෙතිනි...